ايه كم التشاؤم اللى حواليا دا فى ايه مبروك لمصر اول مرة ديموقراطيه وانتخابات نزيهة ويجلنا رئيس الفرق بينه وبين اقرب منافسية 2% اول مرة تحصل مبروك لمصر التحرر من حكم العسكر اه خايفين من الاخوان لكن الاخوان جاءوا بالديمقراطية مش بانقلاب وهم عارفين دا كويس مش هيحاولوا يخسروا الشعب اللى اتى بيهم بل على الارجح هيحاولوا يكسبوا الباقى اللى مصوتش ليهم مبروك على مصر الديمقراطيه ولكن نفسى اللى مضايق وحزين ميزعلش ويتذكر قول الله تعالى (( وعسى ان تكرهوا شيئا ويجعل الله فيه خيرا كثيرا ) دعاء اغلب المصريين كان يارب ولى من يصلح وانشاء الله ربنا يكون قبل دعاءنا قوم يامصرى وبطل حزن وجبن خلاص مصر تحررت واصبح كل مصرى له صوت وله رايىء مؤيد ولا معارض خلاص المصرى نطق اللى فات كان سىء قوى كنا بنخاف كنا لو كلمه فلتت من فمنا ضد النظام بنبص يمين وشمال وندعو الله الا يكون احد قد سمع انشاء الله مش هيحصل كدا تانى محدش هيرا قبنا وفيس بوك وتويتر هيتحرروا هنقول اللى احنا عايزينه وهنكتب اللى احنا عايزينه قوم يامصرى ومتخفش انتهى عصر الرئيس الاله وجه عصر الرئيس الموظف . قوم يامصر واتحد مع اخوك المصرى انسى اللى فات وكفايه سنين كتير ضاعت بسلبيتنا كفايه يلا باه نفكر وننتج ونبتكر لنكون بجد مصرييين فخر بلدنا . يلا باه كفايه تشاؤم كفايه اللى جى باذن الله احلى كتير اصلا مفيش ابدا اسوء من اللى فات . يلا قوم وافرض نفسك شارك فى النهضة والتنميه مصر بلدك وهتفضل بلدك اوعى تقول هسيب وهاهاجر اوعى تقول مصر محتاجه ولادها وهتنمو يبنا . ايه يعنى هو الحزب الوطنى المنحل كان يعنى بيديك فرصة ولا يسيبك تشم نفسك يلا انشالله جاى عصر الواقع وانتهى عصر الاكاذيب والاحلام متفاءله ويارب الاقى المصريين متفاءلين زى يارب
ليست هناك تعليقات:
إرسال تعليق